Harmony ONE

ONE Merkado

Ano ang Harmony (ONE)?

Ang Harmony ay isang blockchain platform na dinisenyo upang mapadali ang paglikha at paggamit ng mga disentralisadong aplikasyon (DApps). Nilalayon ng network na baguhin ang paraan kung paano gumagana ang disentralisadong aplikasyon sa pamamagitan ng pagpokus sa random state sharding, na nagbibigay-daan sa paglikha ng mga block sa ilang segundo lang.

Ayon sa website ng proyekto, ang Harmony ay inaasahang ipakilala ang cross-shard na mga kontrata at isang cross-chain na imprastraktura sa katapusan ng 2021.

Sino ang mga Tagapagtatag ng Harmony?

Si Stephen Tse ay ang tagapagtatag at CEO ng Harmony. Mayroon siyang Ph.D. mula sa University of Pennsylvania, nagdadalubhasa sa mga cryptographic protocol at uri ng teorya.

Habang tinatapos ang kanyang degree, si Dr. Tse ay naging isang research intern sa Microsoft. Noong 2006 nagsimula siyang magtrabaho bilang senior engineer sa Google, gumugugol ng apat na taon sa kumpanya. Noong 2011 itinatag niya ang Spotsetter, isang matagumpay na search engine na kalaunan ay nakuha ng Apple. Noong 2014, naging principal engineer si Dr. Tse para sa Apple.

Itinatag niya ang Harmony noong 2017. Ang tagapagtatag na team ng Harmony ay binubuo ng labindalawang tao, na may pito sa kanila ay dating mga empleyado sa Google, Apple, Microsoft, at Amazon.

Ano ang Nakapagbubukod-tangi sa Harmony?

Sa pagpopokus sa bilis ng pagproseso at pagpapatunay, layunin ng Harmony mainnet na sukdulang panibaguhin ang paglikha ng block. Sa pagpapakilala sa proseso ng sharding, binawasan nang malaki ng kumpanya ang oras sa pagpapatunay ng node o node validation.

Upang tiyakin ang proteksyon ng mga node at i-secure ang proseso ng pagpapatunay o validation, ipinakilala ng Harmony ang Verifiable Random Function (VRF) para sa walang pagkiling at hindi nahuhulaang shard membership. Nangangahulugan ito na ang nodes at validators ay tinatalagahan at muling-itinatalaga sa isang walang pagkakaayos o random na paraan.

Ang Harmony Grants program ng proyekto ay isang inisyatiba na naglalayong suportahan ang pagbabago at akitin ang mga developer sa Harmony mainnet.

Mga Kaugnay na Page:

Magbasa pa tungkol sa Plasma Finance.

Alamin ang higit pa tungkol sa Loopring.

Matutunan ang higit pa tungkol sa DApps.

Tingnan ang CoinMarketCap blog.

Gaano Karaming Harmony (ONE) Coins ang Nasa Sirkulasyon?

Ang Harmony (ONE) ay may maximum supply na 12,600,000,000 tokens. Hanggang noong Pebrero 2021, ang umiikot na supply sa merkado ay halos 9,486,327,268 ONE.

Mula sa kabuuang supply ng ONE tokens, 22.4% ay dedikado sa paunang seed sale. Isa pang 12.5% ang inilaan para sa karagdagang bentahan ng Launchpad. Ang tagapagtatag na team at mga developer ng Harmony ay tumanggap ng 16.9% ng kabuuang supply. Halos 26.4% ng ONE tokens ay dedikado sa pagpapaunlad ng protokol, habang ang isa pang 21.8% ay dinirekta patungo sa pagpapaunlad ng ecosystem.

Paano Sine-secure ang Harmony Network?

Ipinakikilala ng Harmony ang isang bagong bersyon ng proof-of-stake(PoS) konsensus. Tinatawag na epektibong proof-of-stake (EPoS), ang pamamaraang ito ay nagbibigay-daan sa staking ng daan-daang tagapagpatunay. Ang konsensus na pamamaraang ito ay binuo alinsunod sa konsepto ng sharding na ginagamit sa Harmony network.

Hindi tulad ng proof-of-work (PoW) na mga konsensus na mekanismo, ang EPoS ay dinisenyo para sa mas mabilis na oras ng pagpoproseso at pinabuting scalability. Habang nangangailangan ang PoW ng maraming elektrikal at pagkokompyut na lakas, ang staking konsensus na mga pamamaraan ay umaasa sa kasaganaan ng mga may hawak ng halaga, na nagiging mga tagapagpatunay o validators.

Naghahangad din ang Harmony na ibunsod ang mga insentibo ng staking upang maakit ng mas marami pang mga node operator. Ang inisyatiba ng Harmony Open Staking ay naghihikayat sa pakikipag-ugnayan sa network at binibigyang-insentibo ang stakeholders na may pinakamataas na halaga ng ONE tokens.

Saan Ka Makakabili ng Harmony (ONE)?

Ang Harmony (ONE) tokens ay maaaring bilhin sa karamihan ng mga malalaking exchange, tulad ng:

• Binance
• MXC.COM

• Huobi Global

  Magbasa pa tungkol sa pagbili ng crypto.

  Heto pa ang ilang artikulo na maaaring maging interesado ka:

• Ano ang Crypto Faucet?
• Ano ang mga Crypto Debit Card?
• Ano ang Web 3.0?
• Ano ang Yield Farming?
• Ano ang Pagpapautang ng Crypto o Crypto Lending?